‘हा शरद पवार स्टाइल गोल तुम्ही दोनदा पाहाल’


एएमसी मिरर : वेब न्यूज
विधानसभा निवडणुकीचे निकाल लागून जवळजवळ महिना होत आला तरी राज्यातील सत्तास्थापनेचा तिढा सुटलेला नाही. सर्वात मोठा पक्ष असणाऱ्या भाजपा आणि मित्रपक्ष शिवसेनेमध्ये मुख्यमंत्रीपदावरुन बिनसल्याने बुहमतानंतरही युतीचे सरकार राज्यामध्ये स्थापन झाले नाही. त्यानंतर आता मागील काही दिवसांपासून राज्यामध्ये शिवसेना, काँग्रेस आणि राष्ट्रवादी काँग्रेसच्या आघाडीचे सरकार स्थापन करण्याच्या हलचाली सुरु असल्याचे चित्र दिसत आहे. मात्र मागील महिन्याभरापासून राज्यात सुरु असलेले चर्चेचे गुऱ्हाळ पाहून नेटकरी अगदीच वैतागले आहेत. अनेकांनी या सत्तास्थापनेवरुन मिम्स व्हायरल केले आहेत तर अनेकांनी राजकारण्यांना कोपरखळ्या लगावल्या आहेत. अशातच आता महाराष्ट्र नवनिर्माण चित्रपट सेनेचे अध्यक्ष अमेय खोपकर यांनी ट्विटवरुन फुटबॉलच्या मैदानातील एक मजेदार व्हिडिओ शेअर केला आहे.
अमेय खोपकर यांनी शेअर केलेल्या व्हिडिओला “हा शरद पवार स्टाइल गोल आहे,” अशी कॅप्शन दिली आहे. तसेच हा व्हिडिओ तुम्ही नक्की दोनदा पाहाल असंही त्यांनी ट्विटमध्ये म्हटलं आहे.
काय आहे व्हिडिओमध्ये
या व्हिडिओमध्ये एक व्यक्ती गोल करण्याचा प्रयत्न करते. मात्र त्याची किक बॉलला न लागता हुकते आणि तो गोल फिरतो. मात्र गोल फिरुन पाय जमीनीवर टेकवताना तो फुटबॉलला लागतो आणि गोल होतो.

Post a Comment

Previous Post Next Post